ສະພາແຫ່ງຊາດຫວຽດນາມ ຕັ້້ງໜ້າຜັນຂະຫຍາຍວຽກງານພົວພັນຕ່າງປະເທດ
ອີງຕາມລາຍງານຈາກວິທະຍຸກະຈາຍສຽງ ຫວຽດນາມ ແຈ້ງໃຫ້ຮູ້ໃນວັນທີ 12 ກຸມພາ 2024 ຜ່ານມານີ້ວ່າ: ໂດຍອີງຕາມ
ຄຳເວົ້າຂອງ ທ່ານ ຫວູ ຫາຍ ຮ່າ, ຫົວໜ້າກຳມາທິການພົວພັນຕ່າງປະເທດຂອງສະພາແຫ່ງຊາດຫວຽດນາມ ໃຫ້ຮູ້ວ່າ: ໃນປີຜ່ານ
ມາ, ການເຄື່ອນໄຫວພົວພັນຕ່າງປະເທດຂອງສະພາແຫ່ງຊາດ ຫວຽດນາມ ໄດ້ຮັບໝາກຜົນສຳຄັນ, ປະກອບສ່ວນສ້າງຂີດໝາຍ,
ຈຸດເດັ່ນໃນການພົວພັນຕ່າງປະເທດລວມຂອງປະເທດຊາດ.
ໃນໄລຍະຜ່ານມາ, ທ່ານ ເວືອງ ດິ່ງ ເຫວະ ປະທານສະພາແຫ່ງຊາດຫວຽດນາມ ໄດ້ເດີນທາງໄປຢ້ຽມຢາມບັນດາປະເທດຄູ່
ຮ່ວມມືທີ່ສຳຄັນ, ຄູ່ຮ່ວມມືຍຸດທະສາດຮອບດ້ານ ແລະ ບັນດາປະເທດເພື່ອນມິດທີ່ເປັນມູນເຊື້ອ ທັງໃນ ອາເມຣິກາລາຕິນ ແລະ
ອາຟຣີກາ. ສຳລັບບັນດາປະເທດບ້ານໃກ້ເຮືອນຄຽງ, ທ່ານປະທານສະພາແຫ່ງຊາດ ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ,
ເຂົ້າຮ່ວມກອງປະຊຸມສຸດຍອດສະພາແຫ່ງຊາດ 3 ປະເທດ: ກຳປູເຈຍ-ລາວ-ຫວຽດນາມ ຄັ້ງທີ 1, ຢ້ຽມຢາມລາຊະອານາຈັກໄທ.
ນອກຈາກນັ້ນ, ທ່ານປະທານສະພາແຫ່ງຊາດ ກໍໄດ້ເດີນທາງໄປຢ້ຽມຢາມບັງກະລາເດດ ແລະ ບູນກາຣີ ຢ່າງເປັນທາງການ.
ສຳລັບບັນດາເວທີປາໄສຫຼາຍຝ່າຍ, ທ່ານປະທານສະພາແຫ່ງຊາດ ໄດ້ເຂົ້າຮ່ວມກອງປະຊຸມໃຫຍ່ AIPA 44 ຢູ່ ອິນໂດເນເຊຍ.
ການພົວພັນຕ່າງປະເທດໜຶ່ງອີກຄັ້ງທີ່ສຳຄັນໃນປີ 2023 ແມ່ນກອງປະຊຸມສະມາຊິກລັດຖະສະພາໜຸ່ມທົ່ວໂລກ ຄັ້ງທີ 9, ໂດຍ
ສະພາແຫ່ງຊາດຫວຽດນາມ ເປັນເຈົ້າພາບຈັດຕັ້ງຂຶ້ນ ເຊິ່ງໄດ້ບັນລຸຜົນສຳເລັດຢ່າງຈົບງາມ. ນອກນັ້ນ, ກໍຢັ້ງຢືນການເຂົ້າຮ່ວມຢ່າງ
ຕັ້ງໜ້າ, ເປັນເຈົ້າການ, ມີຄວາມຮັບຜິດຊອບຂອງ ຫວຽດນາມໃນສະຫະພັນລັດຖະສະພາໂລກ (IPU).
ແຫຼ່ງທີ່ມາ: ໜັງສືພິມກອງທັບ
ວັນທີ 16/02/2024